Ingurunen "Udalerria" gaia landu dugun bitartean... Sestaoko maketa bat egin dute gure ikasle zoragarriek!
Sestaoko kaleetan topatzen duguna islatu nahi izan dugu maketan: errepideak, zebra bideak, espaloiak, kotxeak, semaforoak, eraikinak, zuhaitzak, lorategiak, pertsonak ...
Ederto pasatu dute maketa Aneren laguntzarekin egiten!
"El cazo de Lorenzo" Isabelle Carrier-en ipuin zoragarria da, aniztasunari eta inklusioari buruzko mezu izugarri garrantzitsua bidaltzen diguna.
Ipuinean azaleratzen da desberdintasunak ez duela zailtasuna suposatu behar. Beharreko laguntzekin pertsona orok parte har dezake eguneroko ekintza guztietan eta zoriontsu bizi daiteke ingurukoekin!
Ez ahaztu....desberdintasunak aberastasuna dakar!!!
2. mailako ikasleak ipuinaren moldaketa propioa prestatzen ari dira, amaitzerakoan erakutsiko dizuegu!
Natur zientzietan "Gorputza" lantzen ari dira 2.mailan eta honekin batera hezurrak ikasten ari dira: sahietsak, bizkarrezurra, garezurra, besahezurra, kubitua, erradioa, izterhezurra eta tibia.
Horretarako.... begira zelako eskeleto izugarri polita prestatu duten 2.mailako Aimar, Erika eta Gaizkak!
Jabier izendatu dute eta hemendik aurrera gure lagunmina izango da!
Hurrengo pausua, Jabierri muskuluak egitea izango da, erakutsiko dizuegu!
2017-18 ikasturtea hasi berri dugu eta iazko martxa jarraituz, noizean behin ikasleekin egiten ditugun ekintzak, lantxoak, proiektuak eta abarrak blogean jarriko ditugu guztiok ikusgai izateko.
Prest gaude elkarrekin jolasteko, ikasteko, elkarbizitzeko, elkarbanatzeko eta batez ere disfrutatzeko!!
Oraingoan, 2. hiruhilekoan egin dugun proiektu txiki bat erakutsi nahi dizuegu.
Asaadek suhiltzaileei buruz hitz egiten ematen zituen egunak, beraz, aitzakia ederra izan zen lantxo hau egiteko.
Suhiltzaileek burutzen dituzten lanak arakatu genituen interneten, bideoak eta argazki ezberdinak ikusiz. Bestalde, Gasteizko suhiltzaileekin "entxufea" dugunez, benetako parke baten argazkiak eta bideoak ikusi genituen: kamioiak, materialak, arropa bereziak, kirola egiteko guneak, ... Gainera, jolasteko suhiltzaileen kaskoak janzteko aukera izan zuten!
Ondoren, ikasitakoarekin PPT aurkezpen bat sortu zuten haiek testua idatziz eta google-en argazkiak aukeratuz. Behin aurkezpena prest zutenean, gelaz-gela joan ziren euren proiektua ikaskideei aurkezteko.
Guztiz motibatuta aritu dira lan honekin, eta noski, nagusitan denok suhiltzaile izan nahi dute!!! ;)
Pirritx, Porrotx eta Marimototsen kanta hau ikasi dugu:
Berandu heldu bada ere... hona hemen birziklapena lantzeko egin dugun ekintza.
Birziklapena zer den ikasi dugu, baita naturaren zainketarako duen berebiziko garrantzia ere. Hortaz, maila teorikoan ikasitakoa, praktikara eraman genuen, azken finean egitenikasten da!
Ekintzaren prozesuko argazkiak ikus ditzakezue:
Lehenengo, material ezberdinetako hondakinak elkartu genituen.
Ondoren, hondakinen sailkapena egin genuen.
Plastikoa, latak eta tetrabrikak alde batetik; papera eta kartoia bestetik; eta azkenik, beira.
Sailkapena eginda zegoenean, auzoko edukiontzietara atera ginen birziklatzera!
Paperak eta kartoiak edukiontzi urdinera bota genituen.
Beira edukiontzi berdera bota genuen.
Eta bukatzeko, plastikoa edukiontzi horira bota genuen.
Ekintza polita izan zen,
poz-pozik parte hartu zuten denok!
Ea eskolan baita etxean ere birziklatzeko ohitura hartzen dugun den-denok.
Datorren astean, martxoaren 30ean Korrika Otxandiotik abiatuko da eta apirilaren 9an Iruñera helduko da. Aurtengo Korrikaren abestia izugarri gustatu zaigu! Bego Garaik, piktogramekin egokitzapen ederra prestatu du, oso egokia letrak esaten duena ulertzeko eta ikasteko! Hementxe uzten dizuegu Begok egindako lana, guk beste disfruta dezazuen!
Eta badakizue... tipi-tapa tipi-tapa denok korrikara!
Gaurkoan gure "Soinuen Kutxa" erakutsi nahi dizuegu. Ikasturte hasieran sortu genuen eta apurka-apurka objektu ezberdinekin osatzen ari gara.
Gure "Soinuen Kutxa" Montessoriren Soinuen Kutxan inspiratuta dago. Tigriteando blogetik letren txantiloiak deskargatu, herramintak sailkatzeko kutxa bat erosi, objektuen bilketa egin... eta erabiltzeko prest!
Irakurketa-idazketa prozesuan murgiltzeko hain garrantzitsuak diren ikasketak lantzeko balio du: kontzientzia fonologikoa, entzumen bereizketa, fonema-grafemaren arteko erlazioa, ...
Entzumen eta Mintzaira gelako ikasleok, Pilarren aginpean, antzerki lana burutu dugu. Lan honen bidez ahozko hizkuntza lantzeaz gain, laguntasunaren garrantzia ikasi dugu.
Los alumnos y alumnas del aula de Audición y Lenguaje, bajo la dirección de Pilar, han realizado esta obra. Además de trabajar el lenguaje oral hemos aprendido el valor de la amistad.